Jim's Caur Options

[Jinty]

Jist 5 minutes afore we were gonny leave
Mah Granny wiped my face wi her cardigan sleeve
She straightened her hat an’ buttoned her coat
An’ tickled mah nose wi’ a ten bob note.
‘ When we git aff the caur, we’ll go fur whaur tea,
Noo afore we go, dae ye need a pee.’
Ah shook mah heid n’ stared at the flair
Then she grabbed mah haun tae go doon the close stair.

The last shoogle fae Auchenshuggle to Dalmeny West
Ah stood there at the stoap wi’ mah granny an’ the rest
We’ll get aff at the Barras an’ go an’ see mah sister
Don’t scuff yer shoes ye’ll only get a blister.
She blethered oan ‘n’ oan, Ah stuck mah tongue oot at a dug
Mrs Thingmy pit her hauns oan her hips ‘n’ mah granny skelped mah lug.
Och, aaaooww, Granny, that wiz awffy sair
Haud yer wheest son, or ye’ll jist git some mair.

Ah jist wished me an’ mah granny whur aw whursel
’ Ding Ding’… ach Ah’m saved by the bell…
The caur shoogled roon the bend wi a roar
The dug sniffed up Mrs Thingmy’s coat an’ she gave a swore
All aboard, C’mon, get aff, the conductor sang aloud
he swung aroon the pole and got flattened by the crowd
Me an’ mah granny sat doon oan oor seat
And the last caur in Glasgow made it’s way doon the street.

[lindamac]

Urr you ma cousin Jinty as in Rossco ? am yer aunty Maggies lassie Linda hahaha if yer no ma Jinty wi her man named Tommy never mind it was lovely hearing yer poem & it sounded just like her type of poem cos shes had published work done regarding poetry ave got one of them. Och any whoo Jinty nice sayin Hello regardless but am still convinced yer ma cousin Jinty her mans name Tommy n daughter Janet sons Arty n William????? get back tae me do please cos am laffin here thinkin tae massell yer ma cousin haha Iam Linda Scott Meg n old Jocks(God rest his soul) Daughter hahahaha How are ye dolls?

[stuarty]

that was great jinty

Attached image(s)

 

[Jinty]

Thanks to you all. I don't really get time to use the internet and it's nice to get friendly feedback. My boyfriend is actually the ex Glasgow dweller and we use this great website to look up current goings ons etc. Linda, I already emailed you and I'm no yer cousin hen.... ' Scribbling ' as I call it is just a wee hobby of mine but I have had a few things published, mostly anthologies and in the Poetry Scotland pamphlet but it's only a recent thing fur me tae write the wye ah talk, I like daein' it cos there's hunners ah wurds that fit in where English diznae. Thanks again